പേര് : കേരളാ സ്റ്റേറ്റ് ഇലക്ട്രോണിക്സ് സർവ്വീസ് ടെക്നീഷ്യൻസ് അസോസിയേഷൻ.

ഈ അസോസിയേഷനിലെ അംഗങ്ങളുടെ പരസ്പര സഹകരണത്തിനും, നിലനിൽപിനും, സാമൂഹികവും സാമ്പത്തികവും സാങ്കേതികവുമായ പുരോഗതിക്കുവേണ്ടിയും, നാൾക്കുനാൾ മാറിവരുന്ന സാങ്കേതിക പരിജ്ഞാനം പങ്കുവെക്കാനും നല്ലൊരു സാംസ്കാരിക വളർച്ചയ്ക്കുവേണ്ടിയും ആണ്.

കലാ സാംസ്കാരിക ശാസ്ത്ര സാങ്കേതിക പുരോഗതിയ്ക്ക് അംഗങ്ങളെ സജ്ജരാക്കുക.

ആധുനിക സാങ്കേതിക വിദ്യകളെക്കുറിച്ച് ക്ലാസ്സുകൾ, സെമിനാറുകൾ എന്നിവ നടത്തുക.  ഇലക്ട്രോണിക്സ് മേഖലയിലെ പരിജ്ഞാനം വർദ്ധിപ്പിക്കാൻ ഉതകുന്ന തരത്തിലുള്ള ലൈബ്രറികൾ സ്ഥാപിക്കുക.

തൊഴിൽ രംഗത്ത് സത്യസന്ധത നിലനിർത്തുവാനും ചെയ്യുന്ന തൊഴിലിന് അർഹമായ വേതനം ഉറപ്പാക്കുന്നതിനും വേണ്ടതൊക്കെ ചെയ്യുക.

അസ്സോസിയേഷനാൽ കഴിയും വിധത്തിലെല്ലാം അംഗങ്ങളുടെ താൽപര്യം സംരക്ഷിച്ചും അവരുടെ ഇടയിൽ പരസ്പര വിശ്വാസവും സഹകരണവും വളർത്തുക. അംഗങ്ങളുടെ ജീവിത സംരക്ഷണത്തിനുതകുന്ന തരത്തിലുള്ള ഇൻഷുറൻസ് പദ്ധതികളും സഹായനിധിയും ഏർപ്പെടുത്തുക.

അംഗങ്ങളുടെ ഇടയിൽ ഉണ്ടാകുന്ന അഭിപ്രായ വ്യത്യാസങ്ങളും, സേവന വേതന സംബന്ധമായ തർക്കങ്ങളും വ്യവഹാരങ്ങളുമുണ്ടായാൽ അത് പരിഹരിക്കുക.

അംഗങ്ങളും ഇടപാടുകാരും  തമ്മിൽ നല്ല ബന്ധം സ്ഥാപിക്കുവാനും, സമൂഹത്തിലെ ഏറ്റവും നല്ല സേവന വേതന വ്യവസ്ഥകൾ നടപ്പാക്കുന്നതിൽ ഉത്തമ മാതൃകയാകുവാൻ അംഗങ്ങൾക്കുവേണ്ട ഉപദേശങ്ങളും നിർദ്ദേശങ്ങളും നൽകുക. 

• അവൻ/അവൾ നിർദ്ധനനായി പ്രഖ്യാപിക്കപ്പെട്ടവരാകരുത്.
• അവൻ/അവൾ ഏതെങ്കിലും കാലത്ത് സാമൂഹികമോ, അസന്മാർഗ്ഗികമോ ആയ യാതൊരു  തെറ്റിലും കുറ്റക്കാരനായ ആൾ ആകാൻ പാടില്ല.
•  ഇന്ത്യൻ കോടതികളിൽ ഏതെങ്കിലും ക്രിമിനൽ കുറ്റത്തിന് ശിക്ഷിക്കപ്പെട്ട ആൾ ആകാൻ പാടില്ല
• അച്ചടക്ക ലംഘനത്തിന് ഏതെങ്കിലും സംഘടനയിൽ നിന്ന് പുറത്താക്കപ്പെട്ട ആൾ ആകാൻ  പാടില്ല. (രാഷ്ട്രീയ സംഘടനകളൊഴികെ)
• അംഗത്വം കൈമാറ്റം ചെയ്യുവാനോ, വിൽക്കുവാനോ പാടുള്ളതല്ല. അംഗമായി ചേർന്നയാൾ മരണമടഞ്ഞാൽ  അംഗത്വം അവസാനിക്കുന്നതും മറ്റൊരാൾക്കും അവകാശപ്പെടാൻ അർഹതയില്ലാത്തതും  ആകുന്നു.
• ഈ സംഘടനയിൽ അംഗമാകാൻ ആഗ്രഹിക്കുന്ന വ്യക്തി സംഘടനയുടെ ജില്ലാ പ്രസിഡെന്റ്ന്  സംഘടനയുടെ അംഗീകൃത ഫോറത്തിൽ വ്യക്തമായി എല്ലാവിവരങ്ങളും പൂരിപ്പിച്ച് 120 രൂപ ഫീസ് സഹിതം അപേക്ഷ സമർപ്പിക്കണം. യൂണിറ്റുകൾ നിലവിൽ ഉള്ള ജില്ലകളിൽ അപേക്ഷകൻ  ഉൾപ്പെടുന്ന യൂണിറ്റിലെ യൂണിറ്റ് സെക്രട്ടറിയ്ക്കാണ് അപേക്ഷ നൽകേണ്ടത്. സംഘടനയിലെ  ഒരംഗത്തിലൂടെയാണ് ഈ അപേക്ഷ നൽകേണ്ടത്. മറ്റൊരംഗം ഇതിനെ പിൻതാങ്ങുകയും നിരസിക്കപ്പെടുന്ന അപേക്ഷകളിൽ അപേക്ഷകന്റെ പക്കൽ നിന്നും റെജി. ഫീസോ മറ്റേതെങ്കിലും  വിധത്തിലുള്ള സംഖ്യകളോ വാങ്ങുവാൻ പാടുള്ളതല്ല.
•  അപേക്ഷാഫോറത്തോടൊപ്പം അംഗമാകാൻ ആഗ്രഹിക്കുന്ന വ്യക്തിയുടെ പൂർണ്ണ  ലഘുലേഖയും (ബയോഡാറ്റ)  ഉണ്ടായിരിക്കണം.
•  അപേക്ഷകനെ സംബന്ധിച്ച് ഏതെങ്കിലും കുറ്റകരമായ വിവരങ്ങൾ അപേക്ഷിക്കുന്നവരോ, പിന്താങ്ങുന്നവരോ മനപൂർവ്വം മറച്ചു വെക്കുകയാണെങ്കിൽ അത് സ്ക്രീനിങ്ങ് കമ്മറ്റിക്കു ബോധ്യപ്പെട്ടാൽ ആ അപേക്ഷ സ്വീകരിച്ച് അംഗമായി തീർന്നാൽ പോലും പിന്നീട് അംഗത്വം റദ്ദുചെയ്യാവുന്നതാണ്.
•  സംഘടനയുടെ സെക്രട്ടറി, അപേക്ഷകരുടെ ലിസ്റ്റ് (പേരു വിവരം) സ്ക്രീനിങ് കമ്മിറ്റി അപേക്ഷകളിൻമേൽ തീർപ്പു കൽപ്പിക്കുന്നതിന് 15 ദിവസം മുമ്പ് സംഘടനയുടെ ബോർഡിൽ പ്രസിദ്ധീകരിക്കും.
•  ഏതെങ്കിലും അപേക്ഷകന്റെ അപേക്ഷ സ്വീകരിക്കുന്നതിൽ ഏതെങ്കിലും  അംഗങ്ങൾക്ക് പരാതിയോ  തടസ്സവാദമോ ഉണ്ടെങ്കിൽ  ലിസ്റ്റ് പ്രസിദ്ധീകരിച്ച് 15 ദിവസത്തിനകം ആ വിവരം ബഹുമാനപ്പെട്ട പ്രസിഡന്റ്‌ രേഖാമൂലം അറിയിക്കണം
• സ്ക്രീനിങ് കമ്മിറ്റിയുടെ തീരുമാനം അന്തിമവും, അത്  നോട്ടീസ് ബോർഡിലും, സെക്രട്ടറി നേരിട്ടും അപേക്ഷകനെ അറിയിക്കുന്നതാണ്. 
  

   

  .